NATYRA KA NEVOJË PËR DASHURINË TONË

 KOHA QË KEMI NË DISPOZICION TË MBROJMË GJITHÇKA QË DUAM PO MBARON SHPEJT

Mendoni për të gjitha vendet në rajon që janë të dashura për ju - jo vetëm për shkak të bukurisë së tyre, por edhe për gjithçka që ofrojnë. Shumë prej këtyre vendeve përballen me kërcënime të shkaktuara nga aktiviteti njerëzor, nga prerja e paligjshme e pyjeve përmes gjuetisë pa leje, deri te lirimi i gazeve serrë. Ne duhet t'i mbrojmë ato. Zgjdhja është në duart tuaja. Pse rrezikojmë të humbim vendet që duam?
 
Shikoni natyrën që të gjithë e duam dhe humbjen e së cilës nuk duhet ta lejojmë!
Natyra ka nevojë për dashurinë tonë tani më shumë se kurrë.
 

Lumenjtë Mura, Drava dhe Danub, në rrjedhën e tyre nëpër pesë vende, formojnë një brez të gjelbër 700 kilometra të gjatë, të cilin UNESCO e ka shpallur rezervë biosferike. Ky peizazh prej një milion hektarësh quhet Amazona Evropiane për shkak të mozaikut të habitateve unike dhe bollëkut të specieve të rralla dhe të rrezikuara. Ky është një shembull i vërtetë i bashkëjetesës së njerëzve dhe natyrës, sepse është shtëpia e gati një milion njerëzve, por edhe popullsia më e madhe e shqiponjave tullace në Evropë, dhe shumë specieve të rrezikuara si sternat, lejlekët e zinj, kastorët, lundërzat, dhe peshqit si për shembull lloji bli.

Tani imagjinoni se të gjitha këto janë zhdukur.

Mënyrat e vjetra të menaxhimit të lumenjve, shkurtimi i rrjedhave ujore, nxjerrja e zhavorrit dhe rërës nga shtretërit e lumenjve, dhe projektet hidroenergjetike janë një kërcënim i vazhdueshëm për amazonën e Evropës, një nga ligatinat më të mëdha në Evropë. Duke punuar së bashku, ne mund të ndalojmë kërcënimet, të ndryshojmë qëndrimin tonë ndaj natyrës, dhe në bashkëpunim me komunitetet lokale, të ndërtojmë një të ardhme të qëndrueshme të kësaj zone me një trashëgimi të pasur kulturore që dëshmon për lidhjen e njerëzve me lumenjtë.
 

Duaje ose humbe.

SYMBOLICALLY ADOPT A LITTLE TERN

Deti Adriatik është një vatër e biodiversitetit me një numër të madh speciesh të rrezikuara dhe të cenuara. Një shembull i shkëlqyer i kësaj pasurie është Lastova - ishulli më i largët i banuar kroat dhe parku më i ri natyror detar në Kroaci. Arkipelagu i Lastovës është shtëpia e karavidheve, breshkave, delfinëve, një vend pushimi për shumë zogj shtegtarë, dhe një vend foleje për zogjtë e rrallë - gregula, kaukala dhe pulëbardha mesdhetare. Dhe ky është vetëm një nga 1300 ishujt në Adriatik! Përveç specieve të bukura bimore dhe shtazore, Adriatiku është shtëpia e shumë komuniteteve bregdetare dhe brezave të peshkatarëve.
 

Tani imagjinoni se të gjitha këto janë zhdukur.

SYMBOLICALLY ADOPT A TURTLE

Tani imagjinoni se të gjitha këto janë zhdukur.

Nëntoka karstike është zona më e paarritshme dhe më e ndjeshme e kafshëve të egra në botë! Habitate shumë të brishta dhe specie të rrezikuara janë nën presionin e ndryshimeve negative në mjedis. Zonat e banuara janë të ekspozuara ndaj ndotjes nga mbetjet komunale, ujërat e zeza, dhe ndotja industriale. Pasojat më të mëdha negative vijnë nga ndërhyrjet hidroteknike dhe kthimi i sipërfaqeve ujore në tokë, të cilat thajnë sipërfaqe të mëdha nëntokësore ose ndajnë habitatet në deri në një nivel të rrezikshëm.
 

Duaje ose humbe.

MEET AN OLM

Më shumë se gjysma e të gjitha specieve tokësore e kanë shtëpinë e tyre në pyje. Ato mbartin me vete një larmi të pasur jete që mbështet funksionimin e shumë prej sistemeve tona më të rëndësishme natyrore – nga të mbajturit stabilitetin e klimës, deri te rregullimi i furnizimit me ujë dhe përmirësimi i cilësisë së tij. Rajoni ynë është i mbushur me pyje të bukur, ndër të cilët spikat Perućica në Parkun Kombëtar Sutjeska, një nga pyjet e fundit të ruajtura evropiane. Ekziston edhe bredhi Pançiç, një simbol i Parkut Kombëtar Tara, një specie endemike pyjore e Serbisë dhe Bosnjë-Hercegovinës.
 

Tani imagjinoni se të gjitha këto janë zhdukur.

Aktivitetet njerëzore tashmë kanë çuar në humbjen e rreth 40% të pyjeve të botës. Për ta parandaluar këtë, është e nevojshme që shpyllëzimi të ndalohet dhe të menaxhohet në mënyrë të qëndrueshme. Prerjet e paligjshme dhe të paqëndrueshme, bujqësia, gjuetia, zjarret në pyje, dëmtuesit. dhe sëmundjet kërcënojnë mbijetesën e shumë specieve, si dhe nxisin ndryshimet klimatike, rrezikojnë jetesën e njerëzve, dhe minojnë shërbimet jetike që ofrojnë pyjet.

SYMBOLICALLY ADOPT A LYNX

Ligatinat, pellgjet, moçalet me torfe, lumenjtë, dhe liqenet janë zgjidhje natyrore për shumë probleme mjedisore. Edhe pse përbëjnë vetëm 3% të sipërfaqes së Tokës, ato thithin dy herë më shumë karbon se të gjitha pyjet e botës së bashku! Gjatë reshjeve të mëdha, ato mbajnë ujin e tepërt, duke parandaluar përmbytjet, ndërsa bimësia e tyre filtron ndotjen. Përveç kësaj, ligatinat janë thelbësore për ruajtjen e biodiversitetit dhe mbijetesën e shumë specieve të egra - si shqiponja tullace, zogu më i madh grabitqar në pellgun e Danubit.
 

Tani imagjinoni se të gjitha këto janë zhdukur.

SYMBOLICALLY ADOPT AN OTTER

Zonat e mbrojtura ruajnë shembuj të veçantë, të vlefshëm, por edhe të brishtë të pasurisë sonë natyrore. Pyetja është se si do të dukej natyra mahnitëse e Gjerdapit, Durmitorit apo Lovçenit, majat fantastike të Mavrovës apo Sharrit, Sutjeska dhe Neretva të gdhendura historikisht, apo liqenet e mrekullueshme të Unës apo Plitvicës, nëse nuk do të mbroheshin. Në rajonin tonë, zonat e mbrojtura përbëjnë rreth tetë për qind të territorit dhe janë shtëpia e shumë llojeve të egra, habitateve, dhe monumenteve kulturore e historike që ne duhet t'i ruajmë.
 

Tani imagjinoni se të gjitha këto janë zhdukur.

SYMBOLICALLY ADOPT A BEAR